ჭინჭრის ხინკალი ფურშეტისათვის

ჭინჭრის ხინკალი  ფურშეტისათვის

ინგრედიენტები

•       მოხარშული ჭინჭარი - 500 გ

•       ხახვი - 3 თავი

•       ქინძი - 1 კონა

•       ფქვილი - 600 გ

•       წყალი

•       მარილი და პილპილი

მომზადების წესები

მომზადების წესი:

ხახვი წვრილად დავჭრათ და ზეთში მოვშუშოთ. ჭინჭარი მსუბუქად ამოვწუროთ ნახარშიდან და წვრილად დავჭრათ. დავუმატოთ წვრილად დაჭრილი ქინძი, მოშუშული ხახვი, მარილი და პილპილი.

ფქვილში ავურიოთ 1 სავსე ჩ.კ. მარილი, ნელ-ნელა დავასხათ წყალი და მოვზილოთ მაგარი ცომი. ჩავდოთ თასში, გადავაფაროთ ხელსაწმენდი და 30 წუთი გავაჩეროთ. ცომი გავაბრტყელოთ 3 სმ სისქეზე, ამოვჭრათ ჭიქით და თითოეული თხლად გავაბრტყელოთ.

ცომის ფენაში ჩავდოთ გულსართი, გადმოვკეცოთ და შევკრათ.

მოვხარშოთ მდუღარე მარილიან წყალში. საწებლად უხდება ერბოში მოშუშული ხახვი და ძმარი.

                                                                                               

პოსტი მომზადდა https://fmgroup.ge/ კონსულტაციით